Bakıda Avropa çempionatının qalibi müəyyənləşdi

21 May 22:36 Bakıda Avropa çempionatının qalibi müəyyənləşdi Qalibi müəyyənləşdirmək üçün 11 metrlik cərimə zərbələri təyin edildi. ...

21 May 22:36

Bakıda Avropa çempionatının qalibi müəyyənləşdi

Qalibi müəyyənləşdirmək üçün 11 metrlik cərimə zərbələri təyin edildi.

Bu gün Bakıda keçirilən 17 yaşlılardan ibarət komandalar arasında Avropa çempionatının qalibi bəlli olub. ANS PRESS-in məlumatına görə, "Bakcell Arena"dakeçiriləcən final matçında Portuqaliya və İspaniya milliləri üz-üzə gəlib.

Oyunun əsas vaxtı 1:1 hesabı ilə başa çatdığından qalibi müəyyənləşdirmək üçün penaltilər seriyasına ehtiyac duyulub. 11 metrlik cərimə zərbələrini dəqiq yerinə yetirən Portuqaliya millisi turnirin qalibi olub.

"Portuqaliya millisi turnirin qalibi oldu"

Turnirə millimizlə eyni qrupda başlayan Portuqaliya finala qədər inamla irəliləyib. Portuqaliya millisi finaladək qapısından bir top belə buraxmayıb. Portuqallar qrupdan lider kimi çıxdıqdan sonra həlledici oyuna kimi Avstriya (5:0) və Hollandiyanı (2:0) məğlub etməyi bacarıblar. 

İspaniya yığması

Portuqaliya və İspaniyanın U-17 milliləri bu günlərdə ikinci dəfə finalda üz-üzə gəliblər. 2003-cü ildə keçirilmiş həlledici qarşılaşmada Portuqaliya (2:1) qələbə qazanıb. Lakin həmin çempionat qalib komandanın vətənində təşkil olunub. Portuqaliya Avropa çempionatının final mərhələsində 2002-ci ildən çıxış edir və bu müddətdə qızılla yanaşı, bürünc medalı (2004) da hesabına yazıb. İspaniya isə ikiqat Avropa çempionu (2007, 2008), üçqat finalçı (2003, 2004, 2010) və bir dəfə bürünc mükafatçı (2006) olub.

17 yaşlılar arasında Avropa çempionatı
Final

Portuqaliya - İspaniya - 1:1
Qol: Dieqo Dalot, 27 - Brahim Diaz, 32

Penaltilər seriyası: 5:4

Hakimlər: Petr Ardeleanu (Çexiya), Balaj Buzaş (Macarıstan), Ceyhun Sesigüzel (Türkiyə), Qunnar Yarl Yonsson (İslandiya)
8-ci km qəsəbə stadionu